අද කියන්න යන්නේ කොහොමද අපි Cat 5e කේබලයකින් සම්මත ආකාරයේ VGA කේබලයක් හදාගන්නේ කියන එක ගැන. VGA ගත්තහම 15 pin DE-15 (also called mini sub D15), 9-pin VGA සහ ලැප්ටොප් වල භාවිතා කරන Mini-VGA යනුවෙන් වර්ග කිහිපයක් තිබෙනවා. මෙතනදි මගෙ මූලික අදහස නම් CAT5e computer cable එකක් video signal එකක් ගෙනයාමට භාවිතා කිරීම. කතා කරන්නේ මේ පින්ස් 15 කනෙක්ටරය ගැනයි.මේ කේබලය පෑස්සිමේ කටයුතු තියෙන නිසා ඔබට යම් කිසි ආකාරයක සියුම් තැන් පෑස්සිමේ මූලික හැකියාවක් තිබෙනව නම් වැඩේ තවත් ලේසියි. මුලින්ම කියන්න ඕනේ මම මේ සදහා කේබල් 10ක් භාවිතා කර ඇති බව. ඉතින් මෙහිදි Cat 5e Cableයට අමතරව එම දුරටම තවත් සිහින් වයර් දෙකකුත් අවශ්ය වේවි දහයක් ඕන නිසා. නමුත් අපිට අවශ්යම කරන pins ටික connect කරලා තනි වයර් පහකින් වුවත් මේ ආකාරයේ කේබලයක් හදාගන්න පුලුවන්. මෙහිදි මම කේබල් 10ක්ම භාවිතා කිරීමට හේතුව තමයි LCD Monitors වල Standard එක ගන්න ඕන වුන නිසා වීම. මම පරීක්ෂා කරපු විවිධ මාදාලිවල LCD Monitors වලට මේ කේබලයම හොදට වැඩ කලා.මුලින්ම මේ දේවල් අවශ්ය වෙනවා මෙය නිර්මාණය සදහා.
- Cat 5e Cable (Shielded Type) මීටර් 5ක්
- 15 Pin mail VGA Connectors -2 (the pins should be arranged in three rows of five pins)
- Soldering iron
- lead
- Cutting pliers or cable stripper
ඔබට මේ Cat 5e Cable (Shielded Type) එක පරිගණක ජාලකරණ උපාංග විකුණන තැනකිනුත්, VGA Connectors දෙක electronics parts store එකකිනුත් ගන්න පුලුවන්. පලමුවෙන් කියන්න ඕනෙ අපි හොයාගත්ත VGA Connectors දෙක තමන් පැත්තට හරවගත්තහම pin alignment එක මෙන්න මේ විදිහට තිබිය යුතුයි.
මේ තියෙන්නේ
මෙන්න මේ විදිහටයි සම්මත කේබල් pin out එක පිහිටිය යුත්තේ.
VGA DDC2 connector pin out:
| Pin | Name | Dir | Description |
|---|---|---|---|
| 1 | RED |  | Red Video (75 ohm, 0.7 V p-p) |
| 2 | GREEN | | Green Video (75 ohm, 0.7 V p-p) |
| 3 | BLUE | | Blue Video (75 ohm, 0.7 V p-p) |
| 4 | RES | RESERVED | |
| 5 | GND |  | Ground |
| 6 | RGND | | Red Ground |
| 7 | GGND | | Green Ground |
| 8 | BGND | | Blue Ground |
| 9 | KEY | - | Key (No pin) / Optional +5V output from graphics card |
| 10 | SGND | | Sync Ground |
| 11 | ID0 |  | Monitor ID Bit 0 (optional) |
| 12 | SDA | | I2C bidirectional data line |
| 13 | HSYNC or CSYNC | | Horizontal Sync (or Composite Sync) |
| 14 | VSYNC | | Vertical Sync which works also as data clock |
| 15 | SCL | | I2C data clock in DDC2, Monitor ID3 in DDC1 |
ඔබට මේ Cat 5e Cable පාස්සා ගැනීමේදී එම කේබල් තුඩු වලට ඊයම් ලෙහෙසියෙන් රෑරා නොවැටී රදවා ගැනීම සදහා දුම්මල කැටයක් හොයාගන්න පුලුවන් නම් ගොඩක් පහසු වේවි. නෙට්වර්ක් කේබලයේ ඇති තනි වයර් 8ට අමතරව තවත් දෙකක් අවශ්ය වෙනවා. මේ පහලින් දාලා තියෙන්නේ මම කේබලය නිර්මාණය කරගත්ත හැටි. මොකද පහත තියෙන ආකාරයට G යනුවෙන් සදහන් කර ඇති ස්ථාන සියල්ල එක කේබලයකින් සම්බන්ධකර Ground කල යුතු අතර අනික අවශ්යයි දහවෙනි වයරය ලෙසය. මෙහිදි 4,6,7,8,10,11 යන පින් තුඩු සියල්ල එක වයරයකින් Ground කරගන්න.
.jpg)
- White brown
- White orange
- Brown
- G
- White blue
- G
- G
- G
- Green
- G
- G
- Green
- White green
- White blue
- Blue
කනෙක්ටරයේ දෙපැත්තම මේ ආකාරයට පාස්සා ගන්න. මේ තමන්ට අවශ්ය දිගට මෙම VGA කේබලය සකසා ගැනීමට හැකිවීම මෙහිදි ලැබෙන මහත් වු වාසියක්.මම මෙහි පින් 15ම භාවිතයට ගෙන ඇති නමුත් ඔබට පරික්ෂා කිරීමෙන් තේරේවි මෙම වයර් දහයම අපිට අවශ්ය නොවෙන වග. අවශ්ය වන්නේ RGBHV හා DDC DAT හා DDC Clock යන කේබල පමණයි. එනම් Red, Green, Blue, Horizontal Synchronization සහ Vertical Synchronization හා DDC DAT මෙන්ම DDC Clock සදහා වන path ටික තිබ්බානම් ප්රමාණවත්. ඔබ ගන්නා STP කේබලයෙහි වටේ ඇති ඇලුමිනියම් ආවරණය මගින් (metal foil shield)ප්රතිරෝධය හා යම් තරමකට අවටින් එල්ලවන චුම්බක බලපැම් අවම වන අතර අවශ්ය නම් Ferrite Filtere කිරීම සදහා Ferrite bead එකක ආධාරය පැතිය හැකියි.
