පරිගණක ජාලකරණය පාඩම 13 - IP address

         අපි අන්තර්ජාලය භාවිතා කරන විටදී නිතරම ව්‍යවහාරයට එන වචනයක් තමා මේ  IP address (අයිපී ලිපිනය)කියන්නේ. IP (අයිපී) කියන්නේ Internet Protocol කියන අදහසයි. මොකක්ද හැබෑටම මේ? අන්තර්ජාලය භාවිතා කරන හැම උපාංගයකටම එයටම වෙන්වූ කේතනයක් තිබෙනවා. අන්න ඒකටයි අපි IP address එකක් කියන්නේ.අපි එයට  unique identifying number කියලත් කියනවා.  IP එකකට ආර්ශනයක් පහත ආකාරයට දැක්විය හැකියි. 

172.16.2.137

            මිනිස් වර්ගයාට මෙය මතක තබා ගැනිම පහසු කරවිම සදහා මේ IP addresses සියල්ල  decimal format එකෙන් එනම් "dotted decimal number" එකක් ආකාරයට ඉහත අයුරින් දක්වනවා. එනමුත් පරිගණක අතරේදී මෙය සන්නිවේදනය වන්නේ  binary form එකක් ආකාරයට. පරිගණකයක් භාවිතාකරනවිට එහි  RAM සහ hard disk යන දෙකෙහිම capacities මනින්නේ bytes වලින් බව මතක් කරගන්න. උදාහරණයක් විදිහට අපි පරිගණක ගැන කතාකරද්දි  "This computer has a 32-bit Pentium processor with 64 megabytes of RAM and 2.1 gigabytes of hard disk space" කියා කියනවා අහලත් ඇති. එතනින් අපිට තේරැම් ගන්න හැකියි මේ  Bits සහ Bytes වලට ඇති සම්බන්ධය මොන වගේද කියන එක.

IP Address ප්‍රභේද

මේ වන විට  ලෝකයේ පරිගණකවල  IP Address වර්ග 2ක් කරලියට ඇවිත්. එනම්,

• IPv4 (IPversion 4)

• IPv6 (IPversion 6)

යන‍ දෙවර්ගය.

 IPv6 (IPversion 6) - 

  මුලින්ම IPv6 පිලිබදව කතාකරල ඉන්නම්. මොකද IPv4වලදි අද දවසේදී කතාකරන්න තියෙන පරාසය ගොඩක් පුලුල් නිසා. අපිට අපේ අන්තර්ජාල කටයුතු සදහා යොදාගතහැකි  IP ප්‍රමාණය ‍මේ වනවිට බොහොමයක්  අවසන්ලු.  සන්නිවේදනය සදහා අපි මේ වනවිට භාවිතයට ගන්නා   IPv4 ප්‍රොටොකොල් එක තුල ඇති ඉඩ දැනටමත් අවසන් වි තිබෙනවා. නමුත්  IPv6 වලට මාරු විමේදි IP address ඉතා විශාල  ප්‍රමාණයක වාසිය අපිට ලබාගත හැකියි. ඉතින් මේ  ඉවර වෙන්න යන   ipv4 වලින් දෙන්න පුළුවන් address ප්‍රමාණය  බිලියන 4කට ආසන්න ප්‍රමාණයක් මට මතක විදිහට. නමුත්  ipv6 වලින් දෙන්න පුලුවන්  address ප්‍රමාණය නොගිනිය හැකියි. ගාන ඉලක්කමෙන්  කියන්න තේරෙන්නෑ එච්චරටම තියනවා address.එතකොට බෙදාගෙන කන්න තරම්  තියනවා address. අන්තර්ජාලය හා ගනුදෙනු කරන  හැම device එකක්ම setup කරන්න වෙනවා අළුත් IPversion 6 වලට.ඉතින් මේ වෙනකොට IPv6 ලෝකයේ ඉතා වේගයෙන් පැතිරෙමින් පවතිනවා. ලංකාවේ SLT එකත් මේ IPv6 පාවිච්චි කිරීම දැනටමත් අරඹලයි තියෙන්නේ. SLT site එකේ  packet trace වෙද්දි එහි  IPv6 වල  සටහන් යාන්තමට වගේ ලකුණු වෙලා තියෙනවා දැකගන්න හැකිවේවි. මේ   IPv6 address  එකකට උදාහරණයක් මේ -

3ffe:1900:4545:3:200:f8ff:fe21:67cf

IPv4 (IPversion 4) -

 මේ තමයි වර්තමානයේදි අන්තර්ජාලය තුල සන්නිවේදනය සදහා වු  ප්‍රචලිතම   ප්‍රොටොකෝලය. IPv4 Address එකක ප්‍රධාන කොටස් 2ක් දැක්විය හැකියි. 

1. Network ID (Network part)

2. Host ID (Host part)

    මුලින්ම පොඩි අව‍බෝධයක් ගමු  Network ID එකක් හා  Host ID එකක් එකතු වි කොහොමද මේ ආකාරයට IP Address එකක් නිර්මාණය වේන්නේ කියලා. IP address එකක් ගත්තාම අපිට එහි  byte 4ක් දක්නට හැකියි. මේ ආකාරයේ  byte එකක් අපි  Octal නැත්නම් octet එකක් කියලත් හදුන්වනවා.IPv4 වලදී  ඕනෑම Network address එකක්  ගත් විට එහි එක් ඉලක්කම් කාන්ඩයක් එනම්  octet එකක් සදහා අපට යෙදිය හැකි උපරිම සංඛ්‍යාව වන්නේ 255 (27 )යි. එනම්  Octal එකක උපරිම අගය 255 සහ අවම අගය 0  ලෙසින් එය සාරාංශ කල හැකියි. එසේ පෙන්වන Decimal අගය  Binary වලින් නම්  බිටු අටකින් යුත්  (8 bit) සංඛ්‍යාවක් ලෙසින්  පෙන්වනවා. Bit යනු  අප යම් සංඛ්‍යාවක් දෙකේ  පාදයෙන් ලියන විටදී  එහි ඵලය වන්නාවු  1 හා 0 අප Bit ලෙස හදුන්වනවා. මේ ඉලක්කම් ගැන හොද අවබෝධයක් ගන්න පුලුවනි මෙතෙන්ට ගියොත්.
          කොහොමද සංඛ්‍යාවක් 2 පාදයෙන් ලියන්නේ හා binary, decimal ගැනත්  මං ඊලග ලිපියෙන් ලියන්නම්. අද මහන්සියි වුනත් නිදාගන්න ගියාට නින්ද යන්නේ නැති නිසයි ඇහැරගෙන මේ පෝස්ට් එක ලීවේ...