Remote Desktop...පියවරෙන් පියවර

අද මම ඔයාලට රිමෝ‍ට් ඩෙස්ක්ටොප් එකක් එස්ටැබිලිෂ් කරන ආකාරය මුල සිට සරලව කියා දෙන්නයි හදන්නේ. මේකත් පරිගණක ජාලකරණය යටතේ කතාකරන මාතෘකාවක්. රිමෝ‍ට් ඩෙස්ක්ටොප් එකක් යනු අපගේ ජාලයට අයත් පරිගණකයකට Administrator කෙනෙක් විදිහට ලොග් වී Local Admin (ක්ලයන්ට්) ගේ අවසරය ඇතිව එම පරිගණකය දුරස්ථ ආකාරයට  භාවිතා කිරීමට අවසර ගෙන එය හැසිරවීමයි. Windows XP වලදී මෙය TCP/ IP(Transmission Control Protocol IP) නම් වූ නිර්මිතය උපයෝගී කරගෙන   ජාලයේ ඇති දුරස්ථ පරිගණකයකට ඇතුල් වීම සිදු කරනු ලබනවා. 

භාවිතයට ගැනෙන අවස්ථා...

1  අපි සරල උදාහරණයක් බලමු. ඔබ යම් කිසි LAN එකක (ජාලයක) ඇඩ්මින් කෙනෙක් හැයි සිතමු. ඔබේ ජාලයේ අනෙක් අන්තයක ඇති පරිගණකයක යම් කිසි ගැටලුවක් පැන නැගී යයි සිතමු. එවිට ඔබට  රිමෝ‍ට් ඩෙස්ක්ටොප්  එක හරහා එම පරිගණකයට ඇතුල් වී එය යථා තත්වයට ගෙන ඒමට පුලුවන.

 නමුත් ජාලය මුලුමනින්ම බිද වැටී ඇති අවස්ථාවක එය යථා 

තත්වයට නොගෙන මෙය ක්රියාත්මක කල නොහැකි 

වීම මෙහි ඇති අවාසියකි.

2 ඔබ Client කෙනෙක් ලෙස  කාර්යාලයේ පරිගණකයක වැඩ කරමින් සිටින විටකදී හදිසියේ ම ඔබේ පරිගණකයේ ගැටලුවක් මතුවුන විටකදී එය  Client PC එකක් නම් ඔබේ ඇඩ්මින්ව අමතා රිමෝ‍ට් ඩෙස්ක්ටොප් හරහා පරිගණකය යථා තත්වයට (fix your problem) ගෙන  ආ හැක.

ඉතින් මෙවැනි වැදගත්  රිමෝ‍ට් ඩෙස්ක්ටොප් සබදතාවයක්  LAN , WAN or modem connection එකක් හරහා සිදුකර ගැනීමට හැකියි. අපි බලමු එය සිදුකර ගන්නා ආකාරය.

රිමෝ‍ට් ඩෙස්ක්ටොප් ඇක්සස් එකක් හදා ගන්නේ කොහොමද?

1 පලමුවෙන්ම ඔබේ පරිගණකය පරිගණක  ජාලයක ඇති පරිගණකයක් විය යුතුයි යන්න මතක තබා ගන්න.

2 එහි My Computer රයිට් ක්ලික් කර Properties යන්න.

3 Remote tab එක තෝරන්න.

4 Default settings වල "Remote Desktop" යන්න ඇක්ටිව් වී නැත්නම් ඇක්ටිව් කරන්න.මෙහි ඇති check  box එක ටික් කිරීමෙන් ඇක්ටිව් කර ගත හැක.ඒ සදහා ඔබට ඇඩ්මිනිස්‍ට්රේටිව් රයිට්ස් තිබිය යුතුය. Limited accounted user කෙනෙකුට මෙය සිදු කරගත නොහැක.

5 ඉන් පසු Select Remote Users නම් බට්න් එක ක්ලික් කර Administartive permissions නැති අනෙක් යූසර්ස්ලා එනම් Limited accounted users add කරගන්න.Administartive permissions සහිත  යූසර්ස්ලා ඔටෝමැටිකලි add වෙන බැවින් ඔවුන් තෝරා දීම අවශ්‍ය නැත.ඔබට Administartive permissions නැති අනෙක් යූසර්ස්ලා ( Limited accounted users) add කරගැනීමට අනවශ්‍ය නම් මෙම ඔප්ෂන් එක භාවිතා කිරීමෙන් පලක් නොවේ. 

6 මීලගට ඔබට Log වීමට අදාල පරිගණකයේ User Name එක හා Password එක දැනගැනීමත්,  IP එක දැන ගැනීමත් අවශ්‍යය වේ.

7 ඉන්පසු  Start-->Programms-->Accessories-->Communications හරහා ගොස් Remote Desktop Connection තෝරන්න. 

මෙහිදී සදහන් කල යුතු වැදගත් දෙයක් නම් මෙම Remote Desktop Connection ෆැසිලිටි එක Windows old versions සමහරක දැකිය නොහැක. එනම්  Windows95, 98, ME, NT4, 2000 වලත්  සමහර versions වල පමණකි ඒ. එවිට Windows XPCD එකක්  Client PC එකට ඇතුල් කර ඔටෝ රන් වීමට සලස්වන්න. එහිදී  Install Windows XP යන්න තෝරා නොදීමට පරිස්සම්වන්න. ඒ වෙනුවට "Perform additional tasks" යන්න තෝරන්න. 

ඉන් පසු open වන window එකේදී  "Set up Remote Desktop Connection" යන්න තෝරා දී Remote Desktop Connection ෆැසිලිටි එක Install වීමට සලස්වන්න.

මෙහිදී මෙම විසාර්ඩ් එක පමණක් රන් කිරීමට මතක තබා ගන්න. (Just run the rest of this setup.)

8 ඉහත ආකාරයට ක්රියාත්මක වූයේ නම් ඔබ මේ වනවිටත් Remote Desktop Connection වින්ඩෝව ලබාගෙන ඇති. නැත්නම් Start-->Run ගොස් MSTSC යනුවෙන් ටයිප් කර වුවත් එම වින්ඩෝවම ලබාගත  හැකියි.

9 දැන් ඔබට Log වීමට අවශ්‍ය පරිගණකයේ User Name එක හෝ IP එක ලබාදෙන්න. ඒ වගේම එහිම දකුණු පසින් දිස්වන Options යන්න තෝරා Adjust කර ගැනීමෙන් ඔබගේ Bandwith එක ඔප්ටිමයිස් කර ගැනීමටත් පුලුවන. මෙය Perfomance වැඩිකර ගත හැකි කදිම මෙවලමකි.

Tab : General

මෙහිදී ඔබ දැනටමත් ලබා දී ඇති User Name එක හා Password එක බලා ගැනීමටත් අවශ්‍ය නම් වෙනස් කර ගැනීමටත් හැකියාව ඇත.එමෙන්ම  අවශ්‍ය නම් එම Settings නැවත භාවිතා කිරීමේ පහසුව සදහා  සේව් කර ගත හැකි අතර  පෙර සේව් කර ඇති Settings හා Values ඕපන් යන්නෙන් ඕපන් කරගත හැක. 

Tab : Display

ඔබ LAN Network එකක් හසුරවන්නේ නම් , Connection එක ස්පීඩ් නම් මෙය එතරම් වැදගත් නොවනු ඇත. ඒත් Modem එකක් භාවිතා කරයි නම් Connection එක Optimize කර ගත යුතුය. මේ සදහා lower Color 

resolution එකක් හා  smaller Remote Desktop size එකක් තෝරා ගන්න.

Tab : Local Resources

මෙමගින්  Sound configure කරගත හැකි අතරම රිමොට්ලි ලොග් වෙන පරිගණකයෙන් access විය හැකි  local devices , එනම් printers, Com ports ඇතුලු removable devices configure කරගත හැක.

Tab : Experience

කනෙක්ෂන් එක ඔප්ටිමයිස් කර ගැනීම සදහා connection speed එක තෝරාගත හැක.එමෙන්ම transmission 

time එකට බලපාන අලංකාරය සදහා යොදාගන්නා තීම්ස්, ඇනිමේෂන්ස් ආදිය de-select කරගත හැක. මෙහිදී එම සියලුම Features de-select කර ගන්නා තරමට හොද efficiency එකක් අපට ලබාගත හැක.

Once the connection is properly configured, you are ready to Connect...

10 දැන් connect යන්න ක්ලික් කර ඔබට අනෙක් පරිගණකයේ User Name එක හා Password එක ලබා දී අවශ්‍ය  පරිගණකයට රිමෝට්ලි ලොග් විය හැක.

 එයින් ඉවත් වීමට නම්   Start --> Disconnect තෝරා ලොග්ඕෆ් වෙන්න. 

Remote Desktop එකේදි පුලුවන් LAN එකක පරිපාලනය විතරයිනේ. ඊටත් එහාට ගිහින් අන්තර්ජාලය හරහා ලොව ඕනෑම තැනක පරිගණකයක් මෙහෙයවිය හැකි බලවත්  නව මෘදුකාංග රාශියක්ම අපට download කර ගන්නත් පුලුවන්. TeamViewer ඒ අතර ප්රධාන තැනක් ගන්නවා...ඊට අමතරව GoToMyPC, Manage Engine Desktop Central, WallCooler VPN වැනි ඒවත් හොදයි.

ගැටලු ඇත්නම් ඒවත් අහන්න...

හැබැයි ඉතින් ලැබෙන කමෙන්ට්ස්  නම් මදි...අඩු ගානේ බැනල හරි කමක් නෑ කමෙන්ට් එකක් දැම්ම නම් නේද හොද...